| | | | 04/11/2011 :: Духоўныя сустрэчы для юнакоў | | | « | | | | | | | З 28 па 30 кастрычніка 2011 г. у кляштары адбыліся духоўныя сустрэчы для юнакоў ва ўзросце ад 15 гадоў. Духоўныя практыкаванні былі прысвечаны разважанню над верай і жыццёвым пакліканнем чалавека.
Малітоўныя сустрэчы ў айцоў піяраў даюць магчымасць паглыбіць сваю веру, узмацніць сяброўства з Хрыстом, каб адкрыць сваё жыццёвае пакліканне. У межах сустрэчы была супольная малітва, разважанне над Святым Пісаннем, тэматычныя сустрэчы, размова са святаром, гульня ў футбол. Эўхарыстыя і адарацыя Найсвяцейшага Сакрамэнту сталі найлепшай магчымасцю каб паслухаць Пана. Сустрэчы праводзіў а. Аляксандр Махнач SP, душпастыр пакліканняў.
На некалькі дзён юнакі трапілі ў атмасферу законнага жыцця і бліжэй пазнаёміліся з жыццём і душпастырствам айцоў піяраў. Духоўныя сустрэчы завяршыліся пасля абеду ў нядзелю, 30 кастрычніка. |
| | | | 22/10/2011 :: Дні духоўных сустрэч юнакоў | | | « | | | | | | | 28–30 кастрычніка 2011 г. у кляштары айцоў піяраў у Шчучыне (Гродзенская дыяцэзія) адбудуцца Дні духоўных сустрэч юнакоў. Да ўдзелу запрашаюцца маладыя людзі ва ўзросце ад 15 гадоў, якія хочуць прысвяціць гэты час сустрэчы з Езусам, каб пачуць Яго голас.
Малітоўныя сустрэчы ў айцоў піяраў даюць магчымасць паглыбіць сваю веру, узмацніць сяброўства з Хрыстом, адкрыць сваё жыццёвае пакліканне.
У межах сустрэчы запланавана супольная малітва, разважанне над Святым Пісаннем, размова са святаром. Эўхарыстыя і адарацыя Найсвяцейшага Сакрамэнту стануць найлепшай магчымасцю слухаць Пана. Падчас сустрэчы можна будзе таксама абмяняцца думкамі, досведам, задаць пытанні. З’явіцца нагода паназіраць за жыццём айцоў піяраў як выхавацеляў дзяцей і моладзі.
Дні духоўных сустрэч адбудуцца па адрасе: г. Шчучын, вул. Савецкая, 1, 231513.
Просім паведаміць аб удзеле ў сустрэчы да 26 кастрычніка гг.
Кантактны тэлефон:
+375 29 789 06 27 а. Аляксандр SP |
| | | | 22/10/2011 :: Шчыра вітаем вас на сайце рымска-каталіцкай парафіі св. Тэрэсы Авільскай | | | « | | | | | | | | На старонках гэтага сайта вы знойдзеце гісторыю нашай парафіі, расклад набажэнстваў, даведаецеся аб парафіяльных падзеях, праглядзець фотагалерэю асноўных парафіяльных мерапрыемстваў. |
| |
Касцёл п.т. св. Тэрэзы Авільскай на вул. Савецкай. Пабудаваны на працягу 1826—29 гг. з цэглы па фундацыі князя Ксаверыя Друцкага-Любецкага пры кляштары айцоў піяраў, калегіум які тут існаваў з 1718 г. да 1832 г. У 1927 г. айцы піяры аднавілі сваю дзейнасць, якая працягвалася да другой сусветнай вайны. У 1887 г. і 1892 г. будынак касцёла рамантаваўся. У 1962 г. касцёл быў зачынены. Пасля рэстаўрацыі 1987—89 гг. перададзены вернікам.
>>>
Нарадзіўся ў Іспаніі, у мясцовасці Перальта-дэ-ла-Саль, у Каралеўстве Арагон. Распачаў навучанне ў калегіі ў Эстадзіла, пасля вывучаў права і філасофію ва ўніверсітэце ў Лерыда. Працягваў навучанне ў Валенсіі і Алькала-дэ-Генарэс. У гэты час ён распазнаў у сабе Божы заклік да святарства. І адказаў “так”.
>>> |
